برافو جلالة الملك

"أعطى جلالة الملك محمد السادس أوامره السامية بمنح هبات تشجيعية للفرق الموسيقية الواعدة,التي استطاعت أن تسمو بانتاجاتها الى مصاف الابداع".بهذه الجملة(الغريبة) اختار عزيز ذاكي المدير الفني لمهرجان"موازين" أن يعلن عن الهبات الملكية التي سلمت الى فرق موسيقية مثا "هوبا سبيريت","أش كاين","ضركة" بالاضافة الى فرق أخرى وتراوحت قيمتها ما بين 150 و250 ألف درهم,ايوا لاواه السي داكي...الفراقي كتغني هادي عشر سنين ومئات الآلاف كيحضرو للسهرات ديالها(أكثر بزاف من الجمهور اللي كيحضر السهرات ديالها النجوم اللي كيجيو من برا) وكيمشيو لمهرجانات كبيرة فأروبا...وتجي نتا تسميها "واعدة"؟ناقصة شوية....ولكن ماشي مشكل,اللسان ما غيه عظم...العبرة فالأفعال,خصوصا يلا كانت جاية من الملك,حيث كلشي كيضرب ليها الحساب.وأول حاجة غادي توقع دابا,بعض الأمور غادية توضاح,منذ بضع سنوات,والاسلاميون-الشعبيون يوجهون سهامهم الى المهرجانات والفرق الموسيقية التي تشارك فيها(غير هاد ليام عبد الاله بنكيران عاوتاني سماها"رداءة ونجاسة ووسخ") هذا الخطاب المثير للاشمئزاز,الذي يستعين بكل صفات ابليس,كي يعطي صورة شيطانية عن هذه المهرجانات,باسم"القيم الاسلامية" انتهى بأن صار عاديا,من هنا أهمية الدعم الذي صدر عن أمير المؤمنين شخصيا.واخا يعايرو دابا,راهم عارفين وجهة نظر السلطة العليا في البلاد.برافو وشكرا جلالة الملك.وحتى أصحاب القرار غادي يفيقو.من المؤسف أن تجري الأمور على هذا النحو,ولكن هاد الشي اللي عطا الله غير سيدنا كيبين الاهتمام بسي حاجة,المستثمرين كلهم كيتبعوه,هاد السي اللي طاري فالفوت,مع اطلاق المشروع الطموح المتعلق ب"أكاديمية محمد السادس" ونتمناو نفس الشي يوقع مع الموسيقى.انتاج الألبومات الى حدود اليوم ظل رهينا بمزاج مالين الصيونصور,هوما وكانتهم.وعندنا في"تال مال" تجربة معهم لأننا شاركنا في انتاج عدة ألبومات منوعة,وألبوم صولو,قبل ما يسدو علينا الروبيني دون تفسير...ولكن المشكل ماشي غير فالانتاج"في ما يتعلق بالبنايات التحتية,لا شي تحرك عمليا منذ عشر سنوات"يتأسف هشام ومومو,اللذان يقفان بشجاعة وراء مهرجان"البولفار" الذي غير الوجه الموسيقي للمغرب,تخيلو دابا مدينة بحال كازا فيها 5 دالمليون وشحال ديال البشر,وما فيهاش قاعة وحدة للعروض الموسيقية(ولا غير للتداريب) تستحق هذا الاسم...المهرجانات شي رائع,ولكن كتسالي مع الصيف.ما تبقى من السنة ومن المحزن أن نسجلها,المعاهد الفرنسية والاسبانية بوحدها اللي كتحرك,لخرين كيضربوها بنعسة,لا الدولة زلا البلديات...صحاب البولفار واعداتهم بلدية كازا ثلاثة د المرات باش توفر ليهم قاعات للتداريب.وكل مرة كيخرج فيهم شي بلان,آخر وحدة دارو فبلاصتها...باركينك بال ما نهضرو على المكتب المغربي لحقوق المؤلف.هذه الادارة العجيبة اللي حتى حد ما كيعرف آش كدير.عشرات الأغاني المغربية تتكرر على مدار اليوم في الاذاعات,وماليها ما كيوصلهم حتى فرانك.هناك بلدان فقيرة ومقهورة بحال جامايكا وكوبا ولا غير مالي باش منبعدوش,فهمت مبكرا أهمية الموسيقى في بناء هوية البلد,لذلك صار بوب مارلي وبوينا فيستا سوصيال كلوب أو علي فاركا توري وأومو صانكاري,أيقونات عالمية,وحنا والو...رغم أن الثروة الهائلة التي يشكلها تراثنا الموسيقي(سواء منه العصري أو التقليدي)تمنح لفنانينا ما يكفي من امكانيات لغزو العالم,لكن لا يمكن ان تغزو العالم اذا لم تكن محترما في بلادك,الالتفاتة الملكية في"موازين" بداية جيدة,نأمل أن تكون بادرة طيبة تشكل حركة حقيقية,غادي تنفع البلاد بزاف

احمد بن شمسي عن اسبوعية نيشان

Comments

[saber]

est une journaliste compétente et tres gentile

[sarah]

le roi du maroc et la fiancé de moulay rachid kawtar krifi

[mehdi]

أطلب من صاحب السمو الملكي سيدنا محمد السادس أن يأمن لي عمل
أنا طردت من التانوية لأني لست موفق في الدراسة وأنا الأن محتاج لعمل
وشكراااااااااااا